Çfarë janë vezët e shkurtëzës

Vezët e shkurtëzës janë më të vogla se vezët pulës të cilat konsumojmë zakonisht dhe kanë një lëvozhgë të bardhë ose të errët me njolla kafe. Këto vezë konsumohen dhe shiten gjerësisht si një ushqim i ri në të gjithë botën.

BestBio, sjell në tryezat tuaja këtë produkt kaq të vecantë, në paketim prej 12 vezësh.

Këto vezë do ti gjeni gjithmonë të freskëta në marketet pranë jush.
Ne mund tju ndihmojmë të gjeni pikën tuaj më të afërt ku mund ti blini.

Vezët e shkurtëzës

Shkurtëza është një shpend i vogël i gjuetisë, dhe i përket familjes së fazanit (phasianidae). Shkurtëza është një nga të rrallët shpendë të egër që mund të mbarështohet nga njeriu.

Vezët e shkurtëzës konsiderohen si delikatesa në kulinarinë e shumë vendeve të botës. Ato janë një burim lëndësh ushqyese të shumta, duke i shndërruar në një përbërës të shijshëm dhe të shëndetshëm për të qenë pjesë e dietës tuaj.

Shkurtëzat nuk trajtohen me vaksina apo me preparate të tjera mjekësore gjatë periudhës së prodhimit të vezëve.

Vlerat ushqyese

Veza e shkurtëzës është e pasur me vitamina dhe minerale. Konsumi i rregullt i vezëve të saj ndihmon organizmin të shmangë dhe luftojë disa sëmundje, sidomos ato të stomakut siç është ulçera. Veza e shkurtëzës forcon sistemin imunitar, promovon një kujtesë të mirë, rrit aktivitetin e trurit dhe stabilizon sistemin nervor. Veza e shkurtëzës është e dobishme kundër anemisë, sepse rrit nivelin e hemoglobinës në trup dhe largon toksinat apo metalet e rënda. Kinezët e përdorin vezën e shkurtëzës për të trajtuar tuberkulozin, astmën madje edhe diabetin. Nëse vuani nga mëlçia, veshkat apo gurët në tëmth, atëherë konsumoni vezën e shkurtëzës..

Më poshtë do të gjeni disa prej të dhënave shumë interesante mbi vlerat e vezës së shkurtëzës:

Veza e shkurtëzës përmban 13% proteina. Kjo është e rëndësishme, sepse organizmi ka nevojë për proteina për të mirëmbajtur muskujt dhe për të pasur energji. Proteina që gjendet tek veza e shkurtëzës është e një cilësie superiore. Por veza e shkurtëzës nuk ka vetëm proteina. Ajo është e pasur me vitaminë B1, e cila quhet ndryshe edhe thiaminë. Mungesa e thiaminës shkakton patologji nervore, rënie në peshë, luhatje humori dhe konfuzion. Thiamina është e dobishme dhe merret lehtësisht nga veza e shkurtëzës.

Veza e shkurtëzës ofron shumë hekur dhe kalium që janë të rëndësishme për njeriun. Mungesa e hekurit shkakton anemi. Hekuri është thelbësor në ndërlidhjen me proteinat dhe transmetimin e oksigjenit në gjak. Femrat përpara menopauzës dhe fëmijët janë më të predispozuar ndaj mungesës së hekurit, një fenomen që ka pikënisjen në aparatin gastrointestinal. Kur ky sistem nuk përthith dot hekur, atëherë nis anemia. Veza e shkurtëzës është e pasur me vitaminë A dhe B2. Vitamina A luan rol të rëndësishëm për zhvillimin e embrioneve, metabolizmin e kockave, shëndetin e lëkurës dhe qelizave, aktivitetin e antioksidantëve, transkriptimin e gjeneve, shikimin etj. Kjo vezë është e pasur me fosfor dhe kalcium.

Femrat dhe fëmijët janë ata që kanë nevojë për më shumë kalcium në dietën e tyre, sepse ky mineral është i nevojshëm për shëndetin e kockave, por edhe për qelizat dhe disa procese të tyre. Kalciumi është një nga mineralet që gjendet me tepricë në shumë burime shtazore. Fosfori është gjithashtu i domosdoshëm për jetën e njeriut. Ai është përbërës i ADN-së dhe luan rol kryesor në formimin e membranës së qelizave. Veza e shkurtëzës përmban kolesterol të mirë dhe nivelet më të larta të kompleksit të vitaminës B. Ajo bën pjesë në kategorinë së ushqimeve që nuk shkakton inflamacion. Shkurtëza konsumon kryesisht fara, barishte dhe legume, ndaj veza e saj ka një shije të këndshme. Lëvozhga e vezës është e fortë dhe rrjedhimisht bën të pamundur hyrjen e baktereve. Veza e “egër” e shkurtëzës është thjesht fantastike, ndaj duhet ta shijoni jo vetëm për bukurinë dhe shijen por edhe për vlerat shëndetësore.

burimi: agroweb.org

Përfitimet shëndetësore të vezëve të shkurtëzës

Veza e shkurtëzës përmban shumë vitamina dhe për pasojë është një ushqim i sigurt për tu përfshirë në dietën tuaj.

E pasur me proteina

Ashtu si vezët e pulës, edhe vezët e shkurtëzës kanë proteina në përbërjen e tyre të cilat na shërbejnë për mirëfunksionimin e shumë proceseve në trupin tonë. Sasia proteinike e këtyre vezëve mund të na sigurojë rritje të shëndetshme dhe normale të trupit tonë.

Pastron trupin

Detoksifikimi i trupit është i rëndësishëm, veçanërisht në ditët e sotme ku mjedisi rrethues është i mbushur me toksina, pluhur dhe elemente të tjera të dëmshëm. Një studim i botuar në Gazetën Pharmacognosy ka treguar që përfshirja e vezëve të shkurtëzës në dietën e përditshme mund të ndihmojë në eliminimin e toksinave nga gjaku. Studimi i kryer te minjtë albino, nxori në pah aftësinë e vezëve të shkurtëzës për të parandaluar dëmtimet e mëlçisë nga toksinat. Gjithsesi për të vërtetuar nëse përdorimi i tyre ka të njëjtin efekt edhe tek njerëzit, ka nevojë që të zhvillohen studime të tjera.

Rrit energjinë

Sipas librit Quail Production Systems: nga Dr. M. M. Shanawany, Food and Agriculture Organization of the United Nations, mineralet dhe elementet ushqyes që gjenden te vezët e shkurtëzës të kombinuara me proteina dhe karbohidrate ndihmojnë që trupi të marri sasinë e nevojshme të energjisë e cila duhet për të përballuar me sukses ditën. Një mëngjes i ekuilibruar, i pasur me lëndë ushqyese (të cilat gjenden te vezët e shkurtëzës) rekomandohet për ata që janë të varur nga kafeina ose stimulues të tjerë për të arritur nivelin e duhur të energjisë.

burimi: organicfacts.net

Zvogëlon rrezikun e anemisë

Sipas një studimi të botuar në Journal International (International Journal of Pharmacology and Therapeutics), vezët e shkurtëzës ndihmojnë në zvogëlimin e rrezikut të anemisë pasi ato janë të pasura me hekur. Hekuri është një mineral i rëndësishëm që jo vetëm oksigjenon organet, indet dhe qelizat e trupit, por gjithashtu rrit imunitetin. Konsumimi i vezëve të shkurtëzave ndihmon në rritjen e nivelit të hemoglobinës në trup. Hekuri dhe kaliumi, të cilat gjenden te vezët e shkurtëzës, nxisin formimin e qelizave të kuqe të gjakut, gjë që ndikon në gjakun e njeriut.

Forcon imunitetin dhe shëndetin në përgjithësi

Antioksidantët janë përbërës thelbësorë për shëndetin e njeriut, duke qenë se ato luftojnë radikalet e lira që mund të shkaktojnë sëmundje kronike. Vezët e shkurtëzave përmbajnë nivele të konsiderueshme të vitaminës C dhe vitaminës A, të cilat mund të ndihmojnë në neutralizimin e radikalëve të lirë dhe të mbrojnë shëndetin tonë.

Nxit metabolizmin

Vitamina B që gjendet tek vezët e shkurtëzave ndikon në nxitjen e metabolizmit në të gjithë trupin, përfshirë funksionet hormonale dhe enzimatike.

Balancon nivelet e kolesterolit

Vezët e shkurtëzës përmbajnë acide yndyrore të dobishme të cilat kanë efekte pozitive në shëndetin e zemrës. Kolesteroli HDL (lipoproteina me densitet të lartë) i quajtur kolesteroli “i mirë” për të cilën ka nevojë trupi i njeriut për të kompensuar efektet negative të LDL (lipoproteina me densitet të ulët) ose “kolesteroli i keq”, përbën më shumë se 60% të yndyrave të cilat ndodhen në vezën e shkurtëzës.

Trajton alergjitë

Vezët e shkurtëzës janë të pasura me proteina ovomukoide, e cila vepron si një anti-alergjik natyral në trup, sipas një raporti të botuar në Journal of Nutritional Science and Vitaminology. Për këtë arsye nëse keni bllokime, pezmatimi apo simptoma të tjera të reaksioneve alergjike, vezët e shkurtëzës ju ndihmojnë që trupi të kthehet në gjendje normale

Përmirëson shikimin

Vezët e shkurtëzës përmbajnë një nivel të lartë të vitaminës A, e cila ndikon në mbrojtjen e shikimit. Efekti antioksidues i vitaminës A mund të ndihmojë në uljen e degjenerimit makular dhe parandalimin e zhvillimit të kataraktave, duke ndihmuar në përmirësimin e shëndetit të syrit.